កាលពីពេលថ្មីៗនេះ Microsoft បានដាក់ឲ្យទាញយក Windows 8 កំណែDeveloper Preview ឬកំណែសាកល្បង ទៅប្រើប្រាស់បាន (អានអត្ថបទអំពី Windows 8 កំណែសាកល្បង)។ នៅពេលដែលអ្នកទាញយកឯកសារ ISO ណាមួយនៃប្រព័ន្ធប្រតិបត្តិការ Windows 8 រួចហើយ ហើយអ្នកចង់ដំឡើងតាមរយៈ USB របស់អ្នកនោះ អ្នកមិនចាំបាច់រកកម្មវិធីណាច្រើនឡើយ គឺប្រើកម្មវិធីផ្ទាល់របស់ Microsoft តែម្ដង ដែលមានឈ្មោះថា៖ Windows 7 USB/DVD Tool ជាកម្មវិធីសម្រាប់បង្កើតឯកសារ bootable នៃ Windows 8 ទៅក្នុង DVD ឬក៏ USB។
ជាដំបូង សូមដំឡើង និងបើកកម្មវិធីនេះឡើង (ទាញយកតាមតំណខាងក្រោម) ហើយចុចរើសយកឯកសារ ISO នៃ Windows 8 របស់អ្នក។ បន្ទាប់មកចុច ទៅមុខ (Next)។
នៅជំហាននេះសូមចុចរើសយក ឧបករណ៍ USB (USB device)។
នៅ ក្នុងជំហានទី៣ សូមជ្រើសរើសយកថត USB របស់អ្នកដែលចង់ដាក់ឯកសារ bootable របស់ Windows 8 ចូល។ បន្ទាប់មកចុច ចាប់ផ្ដើមចម្លង (Being copying)។
នៅពេលនេះវានឹងធ្វើការចម្លងឯកសារទៅក្នុង USB របស់អ្នកហើយ។
សូម បើកកុំព្យូទ័ររបស់អ្នកឡើងវិញ បន្ទាប់មកដោត USB ចូលហើយ boot ។ នៅពេលនេះអ្នកអាចធ្វើការដំឡើង Windows 8 ពី USB របស់អ្នកបានហើយ។
